Студено утро, преку ден сончево со мала облачност

Утрово времето е студено со слаба магла по котлините. Во текот на денот ќе биде сончево со мала облачност и слаб ветер од јужен правец, информира Управата за хидрометеоролошки работи (УХМР).

„Максималната температура ќе биде во интервал од -5 до 5 степени, а максималната ќе достигне 14 до 19 степени“, се вели во соопштението од УХМР.
И во Скопје утрото ќе биде студено, а преку ден сончево и мирно.

„Минималната температура ќе се спушти до 1, а максималната до 17 степени“, информираат од УХМР.

И во наредните денови, како што прогнозираат синоптичарите, ќе продолжи периодот на студени утра, а на повеќе места температурата ќе се спушти и под нула степени.

И во следниот период ќе биде сончево времето во текот на денот.