Студено утро и сончев ден со температури до +14

Времето денеска во земјава ќе биде сончево и претежно тивко, со минимална температура која ќе биде во интервал од -7 до +1, а максимална која ќе достигне од 4 до 14 степени Целзиусови.

Во Скопје и во околината наутро се очекува појава на магла, а преку денот да биде сончево.

Минималната температура ќе се спушти до -4, а максималната ќе достигне +7 степени.

Во наредните денови под влијание на висок воздушен притисок до среда продолжува стабилно и тивко време со магла по котлините.

Во четврток и петок ќе има зголемена облачност, наместа со умерен ветер од западен правец.