Страшна несреќа кај Барселона – четири лица загинаа кога во нив удри воз

Четири лица загинаа синоќа кога во нив удри воз во близина на Барселона додека се обидувале да ја преминат железничката пруга, соопштија службите за итни случаи.

Несреќата се случила во 20:22 часот во Монмел, во близина на каталонската престолнина, кога седум лица минувале преку пругите на забрането место, соопшти Ренфе, шпанскиот железнички оператор.

Три лица загинаа на местото на несреќата, а четвртото почина во болница.

Уште тројца се во болница со повреди, објави Ројтерс.