5
Унгарскиот премиер Виктор Орбан го информирал НАТО за неговата посета на Москва, но тој не ја претставува Алијансата во Кремљ, изјави генералниот секретар на НАТО, Јенс Столтенберг.
„Се разбира, Виктор Орбан не го претставува НАТО на овие состаноци, тој ја претставува својата земја“, изјави Столтенберг за новинарите на прес-конференцијата пред самитот на НАТО во Вашингтон, кој ќе се одржи од 9 до 11 јули.
Тој додаде дека Орбан и претходно ја посетувал Москва, по што по враќањето го информирал НАТО за неговите разговори.
„Очекувам дека кога Орбан ќе учествува на самитот на НАТО во Вашингтон следната недела, ќе имаме можност да разговараме за неговата посета на Москва“, рече Столтенберг.