Генералниот секретар на НАТО Јенс Столтенберг за канадскиот телевизиски канал СВС ги објасни клучните позиции на Алијансата во однос на односите со Русија.
– НАТО не може со сигурност да каже какви се намерите на Русија во ситуацијата околу Украина. Може да има промена во плановите. Значи постојат шпекулации за ова прашање, но нема гаранции. Знаеме за значително зголемување на руската војска, распоредување на десетици илјади војници и тешка опрема. Слушаме и многу заканувачки реторики, истакна Столтенберг одговарајќи на прашањето колку е сериозна заканата од руска инвазија на Украина
Тој нагласи дека „НАТО никогаш нема да се согласи да ги повлече своите трупи од земјите кои се приклучија на блокот по 1997 година, бидејќи тоа ќе ги направи членки на Алијансата од втор ред“.
– Сојузниците на НАТО не можат да прават компромиси за основниот принцип на европската и меѓународната безбедност. Фактот дека секоја земја има право да го избере својот пат, да одлучи сама дали сака да се приклучи на сојуз како НАТО или не, всушност е основен принцип, додаде Столтенберг.
– Се разбира, не можеме да се согласиме дека не треба да имаме војници на НАТО во сите земји кои се приклучија на блокот по 1997 година. Ова во суштина значи дека половина од нашите членки нема да можат да бидат заштитени од војниците на НАТО. Тогаш тие ќе бидат нешто како членки на НАТО од втор ред, а тоа никогаш нема да го дозволиме, изјави генералниот секретар на Алијансата.