Портпаролот на Стејт департментот Метју Милер рече дека САД силно ги осудуваат, како што ги нарече, „координираните насилни напади“ на Косово.
„Значи, најнапред најостро ги осудуваме координираните насилни напади врз косовската полиција. Изразуваме длабоко сочувство до семејството на наредникот на косовската полиција кој загина за време на службената должност. Сторителите на ова кривично дело мора да одговараат преку транспарентен истражен процес. Ги повикуваме владите на Косово и Србија да се воздржат од какви било дејствија или реторика кои би можеле дополнително да поттикнат тензии и веднаш да работат во координација со меѓународните партнери за деескалација на ситуацијата, обезбедување безбедност и владеење на правото и враќање на дијалогот со посредништвото на ЕУ“, рече Милер на прес-конференцијата, пренесува Павловиќ денес.
Во селото Бањска ноќта меѓу саботата и неделата дошло до судир меѓу локалните Срби и косовската полиција, при што загинаа четворица Срби и еден полицаец.
На прашањето на Павловиќ денес дали, со оглед на тоа косовската полиција е делумно финансирана од САД, за да побара истрага за можна прекумерна употреба на сила и полициска бруталност, особено во светлината на пријавената употреба на снајперисти, Милер рече дека ги видел извештаите, но нема да зборува за нив, пренесува Танјуг.
