Во ноќта меѓу петокот и саботата руските системи за противвоздушна одбрана соборија 47 беспилотни летала на украинската армија над регионите Ростов, Волгоград, Курск и Белородск, соопшти Москва, а пренесува агенцијата РИА.
– Вечерва е прекинат обидот на режимот во Киев да изврши напад со 47 беспилотни летала врз цели на територијата на Руската Федерација – соопшти Министерството.
Главната цел на еден од најмасовните украински напади со беспилотни летала од почетокот на војната беше пристаништето Таганрог, на брегот на Азовското Море.
Василиј Голубев, гувернерот на Ростовската област, објави дека силите за воздушна одбрана ги одбиле нападите на Таганрог и Морозовск и дека нема жртви.
Телеграмскиот канал SHOT наведува дека беспилотни летала летале од морето во два наврати и се слушнале повеќе од 20 експлозии.
Се наведува и дека во последните 24 часа руските војници одбиле седум контраофанзиви во неколку области на источниот фронт во Украина.
Украинската воздушна одбрана собори 33 од 37 руски беспилотни летала лансирани во ноќта меѓу петокот и саботата, соопшти украинското Министерство за одбрана, а пренесува Укринформ.
