Средно загаден воздух во Битола, Кавадарци и делови на Скопје

Во делови на Скопје и неколку други градови воздухот вечерва е средно загаден.

Според податоците од мерните станици на Министерството за животна средина, средно загаден воздух има во Битола и Кавадарци, додека исто е и во делови на главниот град.

Во сите други градови состојбата е подобра, односно воздухот е ниско или многу ниско загаден.

Деновиве состојбата беше и полоша, односно во неколку градови имаше високо загаден воздух.

Сепак, дождовите малку ги намалија концентрациите на штетните ПМ 10 честички.