Познатиот бугарски бизнисмен Алексеј Петров и контроверзна личност во последните 2 децении во Бугарија е смртно застрелан денеска околу 12:20 часот по локално време во софискиот кварт „Драгалевци“.
Патот до бараката „Алеко“ во месноста „Драгалевци“ е блокиран од полицијата која го проширува увидниот периметар. Во бугарската метропола поради ова се создаде голем сообраќаен метеж.
Алексеј Петров е роден на 23 април 1962 година во Тетевен, а во 1981 година завршил полициско училиште во Пазарџик. Осум години работел во Националната служба за безбедност. До 1992 година бил припадник на Специјализираниот одред за борба против тероризам, каде меѓу неговите колеги беа Златомир Иванов – Златко беретката и Браќата Галеви. Го напушта системот по сопствена волја.
Во 1994 година, заедно со истомислениците, го создава Сојузот на поранешни беретки. Својот приватен бизнис го започнал од комплексот Спартак, каде ја закупил сауната на комплексот.
Долги години беше селектор на карате репрезентацијата. Докторира на Академијата на Министерството за внатрешни работи за приватно обезбедување на фирми. Од крајот на 1990-тите предава на Универзитетот за национална и светска економија. Тој е претседател на Бугарската национална карате федерација.
Во 2008 година, неговото име беше поврзано како таен агент во специјалните служби. Во 2009 година, при инспекција на Комисијата за објавување документи и за прогласување припадност на бугарските државјани на Службите за државна безбедност и разузнавање на Бугарската народна армија, беше утврдено дека Алексеј Петров бил редовен вработен во Државната безбедност. Оддел VI, насока „Т“. Тој беше проверен во својство на член на Надзорниот одбор на Националниот институт за осигурување.
Тој бил советник на претседателот на Државната агенција за национална безбедност (ДАНС) Петко Сертов, заминувајќи од ДАНС на 31 август 2009 година.
Алексеј Петров на 10 февруари 2010 година е приведен за време на операцијата Октопод. Според бугарското МВР и Обвинителството, групата во која припаѓа Алексеј Петров се занимавала со изнуда, присилна наплата на долгови и рекет, незаконска употреба на лица за платени сексуални услуги, дистрибуција на наркотични супстанции, тргување со влијание, перење пари, прикривање приходи, неплаќање даноци и цедење на ДДВ од државниот буџет.