Претседателот на Србија, Александар Вучиќ изјави дека земјата во четврток ќе го прекине извозот на нафта, пченица, пченка и брашно, а тамошната Влада подготвила уредба за увозот на енергенси.
Вучиќ за ТВ Б92 изјави дека Србија ќе има доволно масло, пченица, пченка и брашно за себе и за регионот.
Тој рече и дека Владата на Србија подготвила одлука за ослободување од царина за увозот на енергенси „од трети земји“.
-Тоа ќе се однесува на нафта од трети земји, доколку увеземе, рече Вучиќ.
Српскиот претседател додаде дека во ЕУ има различни ставови за санкциите за гасот и нафтата и дека ЕУ обезбедува 40 отсто од потребите за гас и 30 отсто од потребите за нафта се од Русија.
-За нас, ако го забранат увозот на сите енергенси од територијата на Русија, тоа значи дека сме во неволја, бидејќи немаме од каде, а гасот и нафтата не можат да паѓаат од небо, рече тој.
Вучиќ додаде и дека е подготвена одлука за субвенционирање на горивото за земјоделците на бензинските пумпи на НИС во следниот месец и половина.