Срамен пораз на македонските фудбалерки од Австрија

Македонската женска фудбалска репрезентација вечерва во Скопје загуби од Австрија со 6:0. Головите на Национална арена „Тодор Проески“ ги постигнаа Била (три), Ашуер (два) и Хобингер.

Ова е втор пораз за избраничките на селекторот Кирил Изов во исто толку натпревари во квалификациите за Светското првенство 2023, додека Австријките имаат максимални две победи.

Следниот натпревар „црвено-жолтите“ го играат на гостински терен со Летонија на 21 октомври.