Комплименти и високи надежи за ,,Circles”, песната со која младата Андреа годинава ќе ја претставува Македонија на Евровизија во Италија, пишува МРТ кој е организатор на настанот.
Според објавата на јавниот сервис, по одржувањето на промотивните концерти на Андреа во повеќе земји, фановите одлично ја прифатиле, и доминирале коментари дека песната е потценета, но се типувало на големо изненадување за Македонија на 12-ти мај.
И додека МРТ верува дека изборот на годинашната песна е вистинскиот, и како по објавата на видеото за Eurovsion House Party кулуминирале позитивните коментари, на официјалната страница на Eurovision world, каде може да се следи котирањето на песните учеснички на настанот, според обложувалниците, Македонија е на последното, 40-то место.
На самото дно на табелата се наоѓа уште од самиот почеток, со мали измени, кога во одредени периоди се најде на претпоследно место.
Евровизија 2022 ќе се одржи од 10-ти до 14-ти мај во Торино, Италија, а Македонија настапува во втората полуфинална вечер, на 12-ти мај.
Вики Клинчарова