Спасовски: Груевски може да се врати само во затвор!

Никола Груевски ќе биде уапсен ако дојде во Северна Македонија, за него нема само еден предмет, има повеќе предмети и нема законско решение кое него го амнестира за сите одлуки кои се донесени за издржување притвор или изатвор, ниту делата за кои се терети може да застарат, рече министерот за внатрешни работи, Оливер Спасовски во „Трилинг“.

Тој додаде дека за да има помирување во општеството мора да се сноси одговорност. Според него, нема друг начин за Груевски да се врати во земјата освен да лежи во затвор.

-Немам никаков однос за неговите ставови. Не гледам причина зошто некој би се плашел од човек кој флагрантно ја злоупотребил својата позиција и за кој се водат постапки – рече Спасовски.