СП2022: Прво осминафинале за Мароко по пауза од 36 години 

Мароко со пласманот во осминафиналето на Светското првенство во Катар го повтори успехот на кој чекаше 36 години. 

Мароко, која е прва африканска земја која минала групна фаза на светските првенства, и тоа на Мундијалот во Шпанија во 1986 година, го продолжува натпреварувањето во Катар како првопласирана во групата Ф. 

Мароканците вечерва ја совладаа Канада со 2-1 и за противник во осминафиналето, на 6 декември, ќе ја имаат второпласираната репрезентацијата во групата Е во која вечерва играат Шпанија – Јапонија и Германија – Костарика. 

Шпанија води во оваа група со 4 бодови, пред Јапонија (3), Костарика (3) и Германија (1).