Социјалните мрежи преплавени со лажни фотографии од апсење на Трамп

Социјалните мрежи ги преплавија лажни фотографии од наводно апсење на поранешниот американски претседател Доналд Трамп.

На истите се гледа како Трамп се бори со полицајци и бега од нив, како Меланија Трамп и Доналд Трамп Помладиот викаат во знак на протест поради апсењето.

Елиот Хигинс, основачот на истражувачката група Белингкет, ги објави на Твитер оригиналните лажни фотографии, кои се креирани со помош на вештачка интелигенција.

Фотографиите се постирани пред можното обвинение на Трамп оваа недела поради фалсификување деловни записи во врска со наводни исплати на пари на поранешната порно глумица Сторми Дениелс за време на неговата кампања во 2016 година.