Сослушувањето на Ѓоковиќ ќе биде пренесувано во живо

Судот на Австралија ќе го пренесува во живо сослушувањето на тенисерот Новак Ѓоковиќ по кое ќе биде одлучено дали ќе му биде прифатена визата или пак ќе биде депортиран во Србија.

Судењето почнува во 10 часот наутро по локално време, а по наше време вечерва точно на полноќ. Австралиските власти објавија линк на кој ќе може да се следи преносот. Вториот линк е оној директно од судот: https://www.fcfcoa.gov.au/gfl/courtlists/vic/melbourne 

Федералниот суд денеска го одби барањето на австралиската влада сослушувањето на Новак Ѓоковиќ да се одложи за два дена, оставајќи им можност на организаторите на Отвореното првенство на Австралија да го вклучат во жрепката за турнирот.