Сопственикот на „ИГМ Трејд“ ќе ја тужи Снежана Лупевска

Сопственикот на „ИГМ Трејд“, Илија Гечев во вечерашното гостување на Телма на крајот на емисијата и рече на Снежана Лупевска дека ќе ја тужи за работите изнесени во емисијата „Код“ за настраданите работници во неговата фирма, како и во денешното интервју.

-Ова ваше истражувачко новинарство не е истражувачко новинарство. Јас ќе поднесам тужба против вас. Вие ми го нарушивте угледот на мене и на мојата фирма. Ќе ангажирам добри адвокати и ќе ве тужам, рече Гечев.