Од кумановското обвинителство информираат дека е отворена истражна постапка за жената од Кратово која ги уби сопругот и свекарот.
-Основното јавно обвинителство Куманово донесе Наредба за спроведување истражна постапка против 36 – годишна жителка на Кратово, осомничена дека сторила кривичнo делo – Убиство од член 123 став 3 во врска со став 2 точка 2 од Кривичниот законик, велат од Обвинителството.
Оттаму појаснуваат како се случил немилиот настан, односно дека жената го убила сопругот во самоодбрана.
-При вршење семејно насилство на 13 јуни, осомничената со умисла ги лишила од живот сопругот и свекорот. По претходна вербална расправија, сопругот физички ја нападнал осомничената, удирајќи ја со тупаници во пределот на главата и телото, а потоа со рацете ја фатил за вратот и почнал да ја дави. Таа успеала да се тргне и од кујната зела кујнски нож со кој најпрвин го прободела сопругот, а потоа и неговиот татко. Од повредите тие починале на лице место, велат од Обвинителството.
По предлог на јавниот обвинител, судијата на претходна постапка и определи 30-дневен притвор на осомничената.
