Сопругата на Навални уапсена за време на протест во Москва

Јулија Навални, сопругата на рускиот опозициски лидер Алексеј Навални, објави дека е уапсена на антивладиниот протест во Москва, кој се одржа на повик од нејзиниот сопруг.

– Извинете за лошиот квалитет. Многу е слаба светлината во полициското комбе, напиша таа на Инстаграм покрај фотографија, откако илјадници приврзаници на Навални се приклучија на националните протести против Кремљ.

Неколку лица се повредени во судири за време на собирот на плошадот „Пушкин“ во Москва, во кој учествуваат најмалку 4.000 приврзаници на Навални, објави РИА Новости.