Општина Сопиште бара од Здружението за духовно обединување на Сетинци, Попадинци и Крушоради, да им го отстапат споменикот на Андон Јанев Ќосето, откако Град Скопје го отстрани од пред судска палата по основ дека е дивоградба.
На денешната седница на општинскиот Совет на Сопиште се разгледува ова барање. Поради мнозинството советници на ВМРО-ДПМНЕ, се очекува барањето до Здружението да биде изгласано.
„Доколку ова наше барање биде прифатено, споменикот би се поставил на кружниот тек во село Сопиште, кој беше изграден при изградба на регионалниот пат кој го поврзува Сопиште со Сончев Град и Градот Скопје, а кој простор се уште не е доуреден. Барањето го поднесуваме согласно донесена Одлука од страна на Советот на општина Сопиште на седница одржана на ден 27.02.2018 година. Се надеваме на позитивен одговор од Ваша Страна“, стои во барањето до Здружението до кое дојде „Фокус“.
