Сообраќајот на државните патишта се одвива непречено, по влажни коловози. Врнежи од снег има во Делчево, Дебар, Ѓавато и Буково, но во моментов не претставуваат пречка за одвивање на сообраќајот.
Како што соопшти АМСМ, интензитетот на сообраќај на патните правци надвор од градските средини е умерен.
На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
