Сончево време со дневна температура до 20 степени

Времето денеска наутро студено со услови за слаба магла и ниска облачност по котлините. Во текот на денот времето ќе биде сончево.

Минималната температура ќе биде во интервал од -5 до 6, а максималната ќе достигне од 13 до 20 степен.

Во Скопје утрото студено со услови за појава на слаба магла, а преку денот претежно сончево и тивко.

Минималната температура ќе се спушти до 0, а максималната ќе достигне до 20 степени.

Во наредните денови, информираа од УХМР, ќе продолжи периодот на претежно сончево време, но со постудени утра, а минималните температури на повеќе места ќе се спуштаат под нула степени.

По одделни котлини ќе има услови за појава на утринска магла.