Сончево со умерена облачност и температури до 29 степени

Времето денеска во најголем дел од земјата ќе биде сончево со умерена облачност. Во одредени делови од земјата облачноста повремено ќе се зголемува, а попладне во западните делови и во планинските подрачја ќе има услови за краткотраен дожд. Ќе дува слаб до умерен, а долж Повардарието повремено засилен ветер од северен правец, информираат од УХМР.

Утринските температури ќе бидат од 4 до 14 Целзиусови степени, а попладне од 20 до 29 степени.

Во Скопје и во околината времето денеска, ќе биде сончево со умерена облачност. Ќе дува умерен до засилен ветер од северен правец.

Наутро температурата ќе биде 11, а во текот на денот ќе се искачи до 27 Целзиусови степени.