Сончево со мала облачност, температурата до 30 степени Целзиусови

Времето денеска ќе биде сончево со мала до умерена облачност и со слаб до умерен, наместа повремено засилен ветер претежно од североисточен правец.

Минималната температура ќе биде во интервал од 9 до 18, а максималната од 25 до 30 степени Целзиусови.

Во Скопје и во околината сончево со умерена облачност и со слаб до умерен ветер од северен правец.

Минималната температура ќе се спушти до 14, а максималната ќе достигне до 28 степени.

Како што најавува УХМР, следува период на променливо облачно време со сончеви периоди. Ќе дува умерен, повремено засилен ветер од северен правец, а температурите ќе бидат во рамки на просечните за овој период од годината.