Сончево со мала облачност и температура до 12 степени

Времето денеска ќе биде сончево со мала облачност. Наутро ќе биде студено со услови за појава на магла по одделни котлини. Во текот на денот ќе дува слаб до умерен ветер од северен правец. Утринската температура ќе биде од минус 6 до 3 Целзиусови степени, а дневната од 7 до 12 степени.

Во Скопје, по магливото утро во текот на денот ќе има сончево време со мала облачност, а ќе дува и слаб северен ветер. Температурата ќе биде од минус 4 степени наутро, до 9 степени во текот на денот.

За утре синоптичарите најавуваат сончево време со мала локална облачност и со слаб до умерен ветер од северозападен правец.

Температурата наутро ќе биде од минус 6 до 3 целзиусови степени, а во текот на денот од 5 до 13 степени.