Сончево и топло, попладне со локален пороен дожд

Времето денеска во земјава ќе биде сончево и топло со мала до умерена облачност – најавуваат од Управата за хидрометеоролошки работи (УХМР).

Облачноста ќе се зголемува околу пладне, а на места ќе има услови за краткотраен пороен дожд и врнежи. Ќе дува умерен ветер од западен и северозападен правец.

Минималните температури ќе се движат во интервал од 10 до 17 Целзиусови степени, а максималните ќе достигнат од 22 до 33 степена.

Во Скопје и во околината денеска се очекува сончево и топло време со максимални 31 степен.

УХМР прогрозира умерена облачност, а во делови од котлината услови за краткотраен пороен дожд.

За утре се најавува променливо облачно време и услови за дожд и грмежи.