Собранието склучи тендер од 38.000 евра за поправка на конференциската опрема

Собранието вчера склучи договор вреден 38.000 евра за одржување на собраниската опрема.

Случајно, набавката се поклопи со периодот кога пратеникот Арбер Адеми направи инцидент во Собранието, фрлајќи предмети и кршејќи дел од собраниската опрема.

-Одржување, сервисирање и поправка на аудио, видео, конференциска опрема и опрема за симултан превод во Сала 3,5,6,7,8,9,10 и Голема сала, се наведува во склучениот договор, денеска објавен на сајтот на Бирото за јавни набавки.

Носител на набавката е Друштво за трговија и услуги АВЦ ГРОУП ДОО Скопје.