Со кауција ослободен од притвор полицаецот обвинет за убиството на Флојд

Со кауција од еден милион долари од притвор е ослободен Дерек Чаувин, поранешниот полицаец обвинет за убиството на Афроамериканецот, Џорџ Флојд во Минесота.

Чаувин по уплатената кауција излезе од затворот во сојузната американска држава Минесота. Тој е обвинет за второстепено убиство на Флојд, а судењето се очекува да почне следната година.

Тој беше еден од четворицата полицајци обвинети за убиството на Флојд при обид за насилно апсење.

Смртта на Флојд предизвика бран антирасистички протести во САД и ширум светот.