Со каков воен успех се пофали руската војска?

Русија онеспособи 74 копнени воени инфраструктурни објекти во Украина, изјави денеска портпаролот на Министерството за одбрана, генерал-мајор Игор Конашенков.

-Овој број вклучува 11 аеродроми, три командни пунктови, украинската поморска база, како и 18 радарски станици за противвоздушни ракетни системи С-300 и БУК М-1 – рече Конашенков.

Инаку, рускиот министер за одбрана Сергеј Шојгу им нареди на командантите на руската армија да се однесуваат со почит кон украинската армија.