Со „голф“ удрен 40-годишен тетовец на велосипед, возачот избегал од местото на несреќата

МВР информира дека синоќа во 21.07 часот било пријавено дека во Тетово на ул. „29 Ноември“ кај крстосницата со бул.„Благоја Тоска“, патничко возило „голф“ удрило во велосипед управуван од Л.Л.(40) од Тетово, и го напуштило местото.

Во несреќата со тешки телесни повреди се здобил велосипедистот, констатирани во Клиничката болница Тетово.

Извршен бил увид од увидна екипа од СВР Тетово и се преземаат мерки за расчистување на случајот.