Снежна идила во Кавадаречко, зимска служба ги расчистува патиштата

Од рано утринава зимската служба на ЈП Комуналец Кавадарци е на терен и ги расчистува патиштата од обилните врнежи на снег.

На патот кон Михајлово снежната покривка достигнала до 20 сантиметри, и се расчистувало со ризла и посолување.

Се чистат и патните правци кон Мушов гроб, Витачево, Страгово, Чемерско, Бојанчиште и Бохула.

Снежната покривка во овие села е околу 15 сантиметри.

Вики Клинчарова