Малолетник истепан во спортска сала од основно училиште во Бутел

Во текот на вчерашниот ден, 13-годишно момче биле донесено во Ургентен центар, откако било истепано од ученици на „Петар Здравковски Пенко“.

„На 13.05.2019 година во 15.12 часот во СВР Скопје од Ургентен центар при комплексот клиники „Мајка Тереза“ било пријавено дека кај нив бил донесен повреден 13-годишен ученик од основното училиште „Петар Здравковски Пенко“ во Бутел. По преземени мерки било утврдено дека во спортската сала во училиштето ученикот бил физички нападнат од повеќе ученици од истото училиште. Се преземаат мерки за расчистување на случајот“, пренесува МВР.