Уште во текот на денешниот ден и тоа особено во текот на претпладнево ќе има повремени локални врнежи од дожд и снег на планините, особено во источната половина од државава. Во попладневните часови врнежите насекаде ќе престануваат и ќе настапи стабилизирање на времето. Ќе дува слаб до умерен ветер од северен правец кој долж Повардарието повремено ќе засилува. Максималните дневни температури ќе се искачуваат во интервалот од 4 до 13 степени.
Во Скопје и околината особено во текот на претпладнево ќе има послаби врнежи од дожд, ќе дува слаб до умерен ветер од северен правец и истиот повремено ќе засилува. Максималната дневна температура во Скопје се очекува да се искачи до околу 9 степени.
Од утре па во текот на следните неколку денови во нашата држава ќе настапи вистинска пролет. Ќе бидеме под влијание на стабилна, сува и значително потопла воздушна маса од југ. Времето ќе биде сончево со мала локална облачност. Ќе дува слаб до умерен ветер од променлив правец. Максималните дневни температури на воздухот ќе бележат тенденција на голем пораст, односно истите на многу места се очекува да се искачат над 15 степени, во најтоплите предели максималните температури ќе се искачат до околу 23, 24 степени, особено во четврток и во петок.
Подготви: Славчо Попоски