Скопската зоолошка ќе добие Бејби Зоо, децата ќе можат да си играат со животните

Зоолошката градина во Скопје ќе добие мини зоолошка градина за најмладите. По теркот на европските и светските зоолошки, и во скопската ќе се отвори Бејби Зоо. Тоа е заградена мини зоолошка градина каде што ќе има мали безопасни животни и каде што децата во присуство на Зоо негувател ќе може поинтеркативно да се запознаат со животните, да си играат и да се фотографираат со нив.

-Целта е децата уште од мали да ја почувствуваат љубовта и грижата кон животните. Доколку уште од мали нозе научат како да се грижат за нив, сигурно е дека кога ќе пораснат ќе ја имаат онаа зоокултура која сега недостасува кај нас, вели директорот Ѓорѓи Галетановски.