Скопје, Приштина и Сараево меѓу десетте најзагадени градови во светот

Скопје и утрово се најде во топ десет листата најзагадени градови во светот.

Според последните мерења на квалитетот на воздухот главниот град на Македонија котира на шестото место.

На првата позиција како најзагаден град е Калкута, Сараево е на третата позиција, а на деветтото место е Приштина.

Според податоците на платформата Ај Кју Еар концентрацијата на ПМ2,5 честичките е зголемена за 15,7 пати над горната граница утврдена од страна на СЗО и изнезува 78,7 микрограми на метар кубен, а ПМ10 честичките се со концентрација од 83,9 микрограми.

Воздухот утрово е означен како нездрав, што претставува сериозна загриженост за здравјето на граѓаните, особено во зимскиот период кога загадувањето е најизразено.