Скопјанец загина во сообраќајка откако удрил во комбе

Вчера попладне околу 15 часот, во околината на Охрид се случила сообраќајна несреќа, во која животот го загубил 55-годишен скопјанец.

„На 11.07.2019 година околу 15.00 часот на магистралниот пат Охрид – Кичево, помеѓу с.Ботун и с.Климештани, се случила сообраќајна незгода помеѓу патничко возило „Цитроен Саксо“ со скопски регистарски ознаки, управувано од П.С.(55) од Скопје и товарно возило „Форд Транзит“ со скопски регистарски ознаки, управувано од Д.П.(27) од Охрид. Во незгодата, од здобиените повреди на местото починал возачот П.С. По наредба на Јавен обвинител телото на починатиот било дадено на обдукција. Увид извршила екипа од СВР Охрид“, соопштија од МВР.