Скопјанец прободен со нож во стомак по расправија во кафана

39-годишен скопјанец бил прободен со нож во стомак од сограѓанин, по расправија во кафана во скопската населба Хиподром.

„На 24.02.2019 година во 15.05 во СВР Скопје било пријавено дека во угостителски објект во населба Хиподром-Скопје, при меѓусебна расправија, Л.Ј.(64) од Скопје со нож во пределот на стомакот го прободел А.А.(39) од Скопје. А.А. бил пренесен во Градската општа болница „Св.Наум Охридски“. Л.Ј. бил приведен во Полициската станица Гази Баба, а по целосно расчистување и документирање на случајот против него ќе биде поднесена соодветна пријава“, соопштија од МВР.