Скопјанец најден починат во домот откако го каснал стршлен

Скопјанец на возраст од 49 години вчера попладне околу 17 часот бил најден починат во неговиот дом на улица „Никола Русински“ во Скопје.

Смртта во полициската станица Карпош ја пријавил лекар од Итна медицинска помош кој не можел да му помогне. Во станот на починатиот била и педесет и седумгодишна жена која изјавила дека починатиот во 16.11 часот и се јавил и ѝ кажал дека го каснал стршлен и побарал од неа да повика итна медицинска помош.

Увид на местото на настанот извршила екипа од СВР Скопје. По наредба на Јавен обвинител телото на починатиот било предадено за обдукција.