Екстремниот бран на насилство во главниот град на Хаити е многу посериозен од киднапирањата и насилството од бандите по кои Порт-о-Пренс е одамна познат.
Бунтовничката лига на вооружени банди води војна против самиот град, се шири на нова територија и ги напаѓа полицијата и државните институции. Исплашени и бесни, групи граѓани ги блокираат своите населби со исечени дрвја и синџири, убивајќи и палејќи луѓе за кои се сомневаат дека се членови на банди. Тоа е единствениот начин, велат, да се одбранат.
Си-Ен-Ен објави извештај од главниот град на Хаити. На видео кое што го објави медиумот, може да се види жена како го влече своето дете во автомобилот и му ги покрива очите. Другите членови на семејството носат тешки куфери, што исто така го одвлекува вниманието. Тие го напуштаат градот, иако возењето по патишта под контрола на банди е ризично.
Она што не сакаат да го видат лежи на улицата пред нивната куќа: изгорениот човечки труп. Тие се посмртните останки на маж кој бил убиен од нивните соседи. Тие се убедени дека тој бил член на банда. Ова е четврти ваков труп што Си-Ен-Ен го забележал за два дена.
Во близина, мајка брза кон хеликоптерот што ја чека, држејќи го своето дете. Бегаат од анархија. Сите овие лица до вчера одбиваа да ги напуштат своите домови, но состојбата сега е неподнослива.
Човечки трупови лежат на улиците, а меѓународната безбедносна мисија која долго време ја фалат соседите на Хаити ја нема никаде, оценува Си-Ен-Ен.
Поминаа речиси 18 месеци откако премиерот Ариел Хенри првпат побара странска воена помош, период во кој бандите ја проширија својата власт над околу 80% од градот.
Пред речиси шест месеци, Советот за безбедност на Обединетите нации одобри мисија за воена поддршка, со поддршка од САД. Поминаа два месеци откако Роберто Алварез, министерот за надворешни работи на соседната Доминиканска Република, го предупреди Советот дека Хаити е на „работ на бездната“.
Кога бандите го започнаа овој бран насилство кон крајот на февруари, тие побараа оставка од непопуларниот премиер. Тој замина, но бандите продолжија да дивеат.