Синоќа „уловен“ бегалец во Керамидница

Вчеравечер, полицијата уапси затворски бегалец кој се барал по две централни потерници, информираат од Министерството за внатрешни работи.

„На 17.09.2022 во 23.50 часот во нас.Керамидница, Скопје, полициски службеници од Оперативен тим потраги при СВР Скопје го лишиле од слобода А.М.(24) од Скопје. Тој бил баран по две централни потерници од Основен кривичен суд Скопје и Казнено-поправната установа Затвор Скопје за доиздржување казна затвор од три години, а бил осуден на вкупно четири и пол години затворска казна за сторени кривични дела „тешка кражба“ по член 236 од Кривичниот законик. Лицето било спроведено во казнено-поправната установа за доиздржување на казната“, велат од МВР.