Силјановска: Преспанскиот договор не може да опстои, секоја генерација има право на свој Устав

Универзитетската професорка Гордана Силјановска-Давкова, која е носител на пратеничката листа на ВМРО-ДПМНЕ во првата ИЕ, во дебата на Телма истакна дека Преспанскиот договор не може да опстои. Како што истакна таа, како што уставот, односно уставното име било променето, така може повторно да се смени.

-Секоја генерациа има право на свој Устав – рече Силјановска, додавајќи дека во Преспанскиот договор не постои македонска нација.

Според неа, со меѓународен договор не може да се промени име и идентитет.