Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска се очекува да присуствува на работниот ручек со претставникот на Европската унија за надворешна и безбедносна политика – Жозеп Борел и со шефовите на делегациите на земјите од Западниот Балкан.
Во попладневните часови, по американско време, Сиљановска Давкова со членовите на македонската делегација ќе учествува на прием што го организира претседателот на САД – Џо Бајден со сопругата по повод 79. Генерално собрание на ОН.
Денеска продолжуваат сесиите на Генералното собрание на ОН, а Сиљановска Давкова пред членките на ОН ќе се обрати утре, исто како и министерот за надворешни работи Тимчо Муцунски и министерот за здравство – Арбен Таравари.