На денешната пленарна сесија од дводневната мировна конференција за Украина која се одржа во Швајцарија, меѓу претставниците на земјите учеснички кои се обратија беше и претседателката Гордана Сиљановска-Давкова.
Најавена како претседателка на Северна Македонија, со табла пред неа повторно со уставното име Северна Македонија, Сиљановска-Давкова имаше неколкуминутно обраќање, но во говорот ниту еднаш не го употребите името на државава во ниту една форма, туку се одлучи за формулацијата „мојата земја“ што ја изговори еднаш.
„Фактот што денеска ја претставувам мојата земја на највисоко ниво е уште една потврда за нашата принципиелна позиција и поддршката за територијалниот интегритет на Украина“, истакна Сиљановска-Давкова.
Ова е продолжение на практиката на претседателката да го одбегнува уставното име на државата. Таа досега користеше Македонија и се повикувше на правото на слободата за изразување.