Пред планираниот штрајк во среда, Луфтханза објави дека ги откажува летовите на аеродромите во Франкфурт и Минхен. Двата града се матични аеродроми за германскиот авиопревозник. Водечкиот германски авиопревозник Луфтханза во вторникот објави дека ги откажува речиси сите летови од своите центри Франкфурт и Минхен поради закажаниот штрајк на копнениот персонал во среда. Превозникот, исто така, рече дека летовите ќе бидат откажани во вторник, како и подоцна во неделата, бидејќи ќе се чувствуваат ефектите од еднодневниот штрајк. Вкупно, над 1.000 летови се укинати со околу 134.000 погодени патници.
Штрајковите и недостигот на персонал веќе ги принудија авиокомпаниите, вклучително и Луфтханза, да откажат илјадници летови и предизвикаа повеќечасовни редици на главните аеродроми, фрустрирајќи ги туристите кои сакаат да патуваат по заклучувањата поврзани со Ковид- 19. Водечкиот авиопревозник на Германија откажа 678 летови во својот центар во Франкфурт, од кои повеќето беа закажани за среда и 345 летови во Минхен, соопшти во вторникот Луфтханза.
Луфтханза, најави дека може да има уште неколку откажувања и одложувања во четврток и петок, по завршувањето на штрајкот што го свика синдикатот Верди во потрага по барање за плата од 9,5 отсто. Што се крие зад штрајкот? Синдикатот Верди ги повика околу 20.000 вработени кои го сочинуваат персоналот на Луфтханза да штрајкуваат во обид да се изврши притисок врз раководството во тековните преговори за платите.
Мајкл Нигеман, шефот за човечки ресурси во Луфтханза, го критикуваше потегот за свикување штрајк, велејќи дека тоа е „рана ескалација по само два дена преговори во она што досега беше конструктивен круг на колективно договарање“. Тој додаде дека штрајкот ќе влијае „особено на нашите патници за време на шпицот на сезоната на патување“, но додаде, „тој ги оптоварува нашите вработени во веќе тешката фаза на воздушниот сообраќај“.
Луфтханза соопшти дека нејзините главни центри во Франкфурт и Минхен нема да бидат единствените аеродроми погодени од штрајкот. Авиокомпанијата, исто така, очекува да има влијание на аеродромите во Берлин, Бремен, Келн, Дизелдорф, Хамбург, Хановер и Штутгарт.
Авиокомпанијата советуваше да не доаѓате на аеродромот доколку не се пререзервира, бидејќи ќе има „малку или воопшто“ достапни сервисни бироа. Луфтханза, исто така, ги предупреди патниците да не летаат во германските центри без поврзувачки лет бидејќи може да бидат потребни часови, ако не и денови за да ги извлечат тие патници на нови летови.