Штипјанец приведен во Тетово, крадел пари од цркви во Јегуновце

Министерството за внатрешни работи соопшти дека во Тетово е приведен крадец, кој извршил пет тешки кражби во верски објекти.

 -Полициски службеници од СВР Тетово, денес околу 10 часот и 30 минути во тетовско Долно Седларце го лишиле од слобода 53-годишниот Т.Б. од Штип. Тој се сомничи дека во периодот од 20 јуни годинава досега извршил пет кражби во цркви во општина Јегуновце. Со употреба на сила влегувал во објектите и најчесто одземал пари. Кај него биле пронајдени и одземени разновиден алат што го користел при извршување на кривичните дела. Т.Б. е задржан во Полициската станица Тетово и по целосно документирање на случајот ќе биде изготвена соодветна кривична пријава“, соопшти МВР.