Штетите од поплавите во Германија достигнаа 26 милијарди евра

Штетата предизвикана од катастрофалните поплави минатиот месец во Германија најверојатно ќе достигне 26 милијарди евра, изјави кандидатот за канцелар на конзервативците, Армин Лашет.

-Според првичните процени, само во сојузната држава Северна Рајна-Вестфалија вкупната штета се зголемува на повеќе од 13 милијарди евра – рече претседателот на Христијанско-демократската унија и премиер на провинцијата која беше погодена од невидени поплави.

Катастрофалните поплави што ја погодија западна Германија на 14 и 15 јули однесоа најмалку 190 животи.