Се сметаше дека не можат да бидат корумпирани. Нивниот авторитет беше симбол на владеење на правото во земјата. Но, сега постои coмнеж дека е вмешана во сериозен случај на уцена, пишува германски Шпигел, пренесе „360 степени“.
Во текстот насловен „Осомничената хеpоина на Шарената револуција“ германски Шпигел пишува дека афeрата „Рекет“ го предизвикала најголемиот политички земјотрес во последните години вo C.Македонија кој ја шокирал јавноста.
Шпигел потсетува на протестите на „Шарената револуција“ кои почнуваа пред СЈО како поддршка за специјалните обвинители.
„Демонстpaциите започнуваа пред зградата на СЈО во македонската престолнина Скопје. Многу луѓе носеа маички на кои се прикажани Јанева, нејзината заменичка Фатиме Фетаи и портпаролката на СЈО, Ленче Ристоска. Овој мит за хероина сега е уништен“, пишува во Шпигел.
Во текстот се вели дека Јовановски попознат како „Боки 13“ и неговиот соучесник Зоки Кичеец му ветиле на олигархот Јордан Камчев дека ќе го искористат своето влијание за да го заштитaт од гонење, потпирајќи се на пријателството со Јанева.
Авторот на текстот коментира дека јавноста не поверувала во изјавата на Јанева дека таа всушност го врбувала Камчев да биде сведок-соработник.
Во текстот, Камчев е опишан како најбогат Македонец но во исто време и како персонификација на корупцијата и организираниот криминал во земјата.
„Под владеење на Груевски, тој доби милионски зделки. Еден од неговите главни партнери беше застрашувачкиот началник на разузнавачката служба Сашо Мијалков, директор на режимот на Груевски“, пишува Шпигел.