Германскиот канцелар Олаф Шолц денеска изјави дека израелскиот напад врз Рафах ќе го отежне воспоставувањето регионален мир.
Тој го изјави ова по разговорот со јорданскиот крал Абдула и додаде дека планираниот напад на Рафах, каде во моментов се наоѓаат повеќе од еден милион Палестинци, ќе биде предмет на разговори со израелскиот премиер Бенјамин Нетанјаху, подоцна денеска, како дел од посетата на канцеларoт на регионот.
– Сега се работи за обезбедување траен прекин на огнот, што би ни овозможило да спречиме копнена офанзива на Рафах – додаде Шолц.
Тој нагласи дека мора да се спречи влошување на ситуацијата, повторувајќи дека Израел има право на самоодбрана, како и дека е невозможно раселените луѓе во Рафах „да бидат директно загрозени од какви било воени акции и операции преземени таму“.
Шолц не објасни каква ќе биде реакцијата на Берлин на големите копнени операции во Рафа, ниту дали Германија, во тој случај, ќе го ограничи изворот на оружје на Израел.
Според Ројтерс, Германија е еден од најсилните сојузници на Израел, заедно со САД, постојано го поддржува правото на самоодбрана, нагласувајќи ја својата должност да застане покрај Израел за Берлин да може да се искупи за холокаустот во кој беа убиени шест милиони Евреи.
Владата, сепак, се соочи со критики во Германија, вклучително и од поистакнатите еврејски граѓани во земјата, кои тврдат дека Берлин дозволува вината за холокаустот да влијае на нејзината сегашна политика кон Израел.
Сепак, претставници на германската влада во последните месеци ја нагласија потребата Израел да го почитува меѓународното право како одговор на нападите на Хамас и го повикаа Израел да дозволи дистрибуција на поголема хуманитарна помош за Појасот Газа.
Тие, исто така, го осудија насилството на еврејските доселеници врз палестинските цивили на Западниот Брег.
Шолц истакна дека разговорите со кралот Абдула уште еднаш јасно покажале колку е важно сите преговори да ги допрат долгорочните перспективи за можен мирен соживот меѓу Израел и потенцијалната палестинска држава.