Шолц и порача на Кина: Не испраќајте оружје во Русија

Германскиот канцелар Олаф Шолц и порача на Кина да не испраќа оружје во Русија, туку да влијае на Москва да ги повлече своите трупи од Украина.

„Разочарувачки е што Кина не го осуди рускиот напад врз Украина, но добро е што Пекинг прави напори да ја намали можноста за нуклеарен конфликт“ – изјави Шолц во германскиот парламент.

„Мојата порака до Пекинг е јасна – користете го сопственото влијание врз Москва за да ги повлечете руските војници. И не му доставувајте оружје на рускиот агресор“, рече Шолц, пренесува Ројтерс.