Шолц до Иран и Хезболах:„Изрично предупредувам, не се мешајте“

Германскиот канцелар повика на спречување на ескалација на Блискиот исток и ги предупреди либански Хезболах и Иран да не се мешаат во конфликтот меѓу Израел и палестинскиот Хамас.

„Конкретно ги предупредувам Хезболах и Иран да не се вклучуваат во конфликтот“, рече Шолц на прес-конференција по средбата со јорданскиот крал Абдула во Берлин.

Кралот Абдула посочи дека палестинските бегалци не треба да се принудуваат да одат во Египет или во Јордан, додавајќи дека хуманитарната ситуација мора да се реши во Појасот Газа и Западниот Брег.

„Тоа е црвена линија, бидејќи мислам дека тоа е план на некои од дежурните виновници да се обидат да создадат де факто работи на терен. Нема бегалци во Јордан и Египет“, рече Абдула на прес-конференција.